Maqaalka Maanta
 

 

 

Sheekadii dooqa Miyaan kaligey laheyn

Qeybta 1 aad
Qeybta 2 aad
Qeybta 3 aad

Qeybta 4aad

Qeybta 5aad

Qeybta 6aad

Qeybta 7aad

Qeybta 8aad

Qeybta 9aad

Qeybta 10 aad

Qeybta 11 aad

Qeybta 12 aad

Qeybta 13 aad


SomaliRoots
Wareysigii Ikram

October /21/2005

THE SIX PUNISHMENTS OF LIFE

SAYINGS (HADITH) OF PROPHET MUHAMMAD (Sallallaahu alaihi wa sallam) The one who disdains prayers (Salat) will receive Fifteen punishments from Allah. Six punishments in this lifetime Three while dying Three in the grave & Three on the Day of Judgment.

THE SIX PUNISHMENTS OF LIFE:

1. Allah takes away blessings from his age (makes his life misfortunate)
2. Allah does not accept his plea (Dua's)
3. Allah erases the features of good people from his face.
4. He will be detested by all creatures on earth.
5. Allah does not award him for his good deeds. (No thawab)
6. He will not be included in the Dua's of good people.

THE THREE PUNISHMENTS WHILE DYING:

1. He dies humiliated.
2. He dies hungry.
3. He dies thirsty. Even if he drinks the water of all seas he will still be thirsty.

THE THREE PUNISHMENTS IN THE GRAVE:

1. Allah tightens his grave until his chest ribs come over each other.
2. Allah pours on him fire with embers.
3. Allah sets on him a snake called "the brave", "the bold"
which hits Him from morning until afternoon for leaving Fajr prayer, from the afternoon until Asr for leaving Dhuhr prayer and so on. With each strike he sinks 70 yards under the ground.

THE THREE PUNISHMENTS ON THE DAY OF JUDGMENT:

1. Allah sends who would accompany him to hell pulling him on the face.
2. Allah gives him an angry look that makes the flesh of his face fall down.
3. Allah judges him strictly and orders him to be thrown in hell. Note: If you get this copy, please make copies of it and distribute them among all Muslims. You will be earning a Reward as well as helping to show your brother the Right Path. May Allah give guidance to all of us. AAMEEN!!!!!!!

THOSE WHO DO NOT SAY THEIR PRAYERS OF:

FAJAR: the glow of their face is taken away.

ZOHAR: the blessing of their income is taken away.
ASAR: the strength of their body is taken away.

MAGHRIB: they are not benefited by their children.

ISHA: the peace of their sleep is taken away.

THE HOLY QUR'AN:
Say Your Prayers Before Prayers For You Are Said".

 

By. Omar Sharif Hashim
Toronto, Canada

 


October /7/2005

Maximum Strength Ramadan Fasting

9th month – Ramadan

Take a look at the items on this list. Select from among them some specific goals for this blessed month. During the month check your progress and at the end of the month do an assessment of yourself and your Ramadan goals. Psychologists say it takes roughly 28 days to form a social habit. Therefore, once acquiring these habits in Ramadan make a post Ramadan plan to keep the ground you have so diligently taken.

Sincerity – Begin with sincerity and dedication
Dua before breaking fast
Break fast on time at the first possible time
Start fasting as the last possible time
Take sahoor in the morning
Prayer on time
Prayer in the masjid
Prayer in jamaat
Pray the Sunnah
Pray nafilah or superogatory prays just to get closer to Allah
Read the Quran
Review the Qur’an you know
Memorize more of the Qur’an
Study Islam
Keep your tongue wet with Dua
Keep your lip wet with the dhikr of Allah
Make dawah
Visit the sick
Visit the grave
Visit relatives
Visit the homes of friends
Take care of your body – health/hygiene/fitness
Reconcile relationship ask for forgiveness
Istighfar – say istaghfir Allah
Resolutions – Reflection and planning for self improvement
Increase your sadaqa or charity
Do community service
Feed the needy
Feed fasting people
Zakat al-fitr/increase
Itakaf in last ten days
Seek laylatul Qadr in all of the last ten days
Make umrah in Ramadan
Perform the Eid Prayer
Eat a meal before going to the prayer
Make dhikr/talbiya on the way to the prayer area on the day of Eid.
Develop other ways to maximize this blessed month and share it with others.

By. Omar Sharif Hashim
Toronto, Canada

March /24/2005

Jaamacadda Carabta oo diiday in Soomaaliya ciidamo loo soo dirro.


"Waqti ay wasiirada Arrimaha Dibadda ee Jaamacada Carabtu ku shirayey magaalada Aljeris ee caasimada dalka Aljeeriya ay u soo gudbiyeen madaxdooda xubnaha ka ah golahaasi in ciidaamo loo dirodalka Soomaaliya ayaa si kedis ah waxaa halkaasi uga soo baxay qaraar gebi ahaanba lugu diidayo in ciidamo nabad ilaalin ah loo diro Soomaaliya." Taasoo aanan aheyn mid ajandaha ku jirin laakinse la filayey in laga hadlo.

Ereyadasi waxey ahaayeen kuwo uu ku bilaabay wargeyska afka carabiga ku hadla ee Shaqr Alwsat ee cadadkiisi maanta. Wargeyska oo amuurtan ka hadlaya ayaa wuxuu yiri "Wasiirka Arrimaha Dibadda Soomaaliya oo mar sii horeysay u lahadlay wargeyskan ayaa sheegay in Jaamacadda Carabta ay dowlad dowlad ahaan u eegi doonaan arrinta la xirriirta dalabka ciidamo nabada ilaalsha oo Soomaaliya loo sii dirro"Hase ahaatee qorshaha ciidan dirista uu ay gaashaanka u darruuray iyagoo sheegay in lama huraan tahay in dalkaasi dib loogu soo celiyo hanaankii dowlo, nabada galyada iyo midnimadiisa. Waxaana u qaraarku sheegay in dowlad walba ay iyadu leedahay go'aan ka gaarista ciidamo loo diro dalka Soomaaliya oo bar bar socda kale ee Afrikaanta ahShan dal oo ka tirsan golaha oo la hor dhigay qorshahaasi ayaa labo kamid ah ay diideen in ciidamadooda u diraan Soomaaliya halka Jabuuti, Suudaan iyo Yamen la sheegay iney dirayaan ciidamo nabad ilaalin ah.

Dowladda KMG ah ee Soomaaliya ayaa ayaa iyadu ka codsatay Midowga
Afrika iyo Jaamacada Carabta ciidamo hub ka dhigis ku sameeya maleeshiyaadka Soomaalida, hase ahaatee urrurka midowga Afrika ogolaaday in ciidamo ka socoda urrur goboleedka IGAD loo dirro, balse arrinta ku saabsan dalabka ciidama IGAD ay muran iyo gacan ka hadal weyni dhalisay kadib markii Baarlamaanka soomaalida ay diideen ciidamo ka socda dalalka deriska ah, iyagoo sheegay in xaaladda iminka
jirta ay uga sii dareyso dalalka gobolka qaarkoodna ay cadaawad soo jireen ahi ka dhaxeysay.

Guud ahaan in kastoo beesha caalamka ay dowlada KMG ah u muujisay
taagero hadana waxaa muuqata in muran weyn iyo qilaaf ba'ani uu ku dhaxeeyo mas'uuliyiinta dowlada ku jira.

Waxaa tarjuntay; Ikraam Cali-kaar
Gothenburg, Sweden


March /09/2005

8 Maarso maalintii Haweenka Xaquuqdoodana aan la dhowrin

Faalladii; Ikraam Cali-kaar
ikraam.calikaar@gmail.com

Haweenku siddeedu waa laf dhabarka nolosha, hormarka aadanaha, toosiyaha tubta toosan iyo nabada. Haweenku misna waa kuwa had goor astaan uh bulsho hormarkeed iyo sida ay caalamka ula jaanqaado. Mujtamaca caalamka guud ahaan siyaallo kala duwan bey dumarkooda u qadariyaan weliba waxey qaarkood kala siyaan dabaqado kala sareysa. Taasina waxey tahay mid ku tusineysa qiimaha ay u leeyihiin haweenku. Dhanka Diinteena muqadaska ah Ilaahey wuxuu tilmaamay dumarka iyo joogitaanka noloshan iyo macnaha mugga weyn ee ku jira, wuxuuna ku xusay Qu’aankiisa Karrimka ah isagoo siiyey Suurata- Anisaa. Suuradaasoo ah mid soo koobtay dumarka qiimiisa iyo kuwii saalixaadka ahaa ee rumeeyey Alle iyo Rasuulkiisa Muxamed- ah NNKH.

Dunidan anynu ku nool nahay dalalka hormaray markaad eegto qiimaha dumarka ka leeyihiin iyo sida loola dhaqmo, waxaad dareemaa in weli caalamku ku dambeeyo xooga ixitiraam ah. Hase ahaate marna lama dafirikaro dhibaatooyinka loo geysto guud ahaan dumarka meelkasta oo ay joogaan.

Shalay waxaa guud ahaan caalamka si weyn looga dabaal dagayey xuska maalinta haweenka adduunka. (Inkastoo diiniyan aysan banaaneyn in la weeyneeyo waxaan diintu raali ka aheyn) Hadana shacuubta caalamka ku dhaqana siyaallo kala duwan bey u soo dhaweeyeen maalintaasi loo qoondeeyey haweenka. Hase ahaatee su’aasha taallo waxy tahay, yaa dhowray xaquuqda haweenka, yaase ku tuntay? Haddii la isku dayo in su’aashan laga jawaabo waxey qaadaneysa waqti badan una baahan taxliil dhan kasta kusaleysan. Balse muhiimaddu waxaa weye qormadana ay si gaar ah uga hadleysa sidey dadkeenu u qadariyeen dumarka Soomaaliyeed. dhankasta marka laga eeggo.

Soomaaliya oo kamid ah dalalka dunida sadexaad lugna tiriyo kuwa ugu saboolsan, markey dowladdii dhexe bur burtay waxaa meesha ka baxay nimdaamkii iyo kala dambeyntii dalkiina wuxuu gacanta u galay wax magarato leh, mooryaan, qab qable dagaal, gacan ku dhiigle iyo dulaaliin dalka iyo dadka duunyo siistay. Taasina waxey abuurtay in waxkasta muwaadinka Soomaaliyeed oo xumaato ah loo geysto. Gaar ahaan dumarka iyo carruurta oo ah xubinta ugu jilicsan ee dhibtu saameyso. Inkastoo xukuumadihii dalka soomaray laftooda aaney kaalintii haweenka Soomaaliyeed bulshada xaqireen hadana marakan maanta mid kaga liidata dumarka Soomaaliyeed ma jirto. Xilliyaddii hore nabad iyo waxaa jiray amniga shaqeynayey oo haddii dhib la geysto sharciga la tiigsanayey maaantase waxey xaajadu noqotay ”Nin walbow taagtaa”.

Waxaa sidoo kale tacadiyo iskugu jira dil, kufsi iyo boob loo geystay dumarka Soomaaliyeed ee aan boolahoodu hubeysneyn, waxaa misna meel looga dhacay xaquuqdii carruurta laheyd oo aan loo kala aabo yeelin (kuwaasoo in badan oo iyaga kamid ah ay ahaaayeen gabdho yar yar). Falalkaasi dhacey waxey ku tusineysaa in dalku joogaan wax magarato cawaan ah oo aan laheyn caqli i kala go’a min shacab ilaa qab qable xukun doon ah. Tusaale ahaan waxaan u soo qaaadan karnaa xarrigii sida ula kaca ahaa loogu geysta Sam sam Axmed Ducaale oo aheyd gabar agoon ah ee ay maamulka la magac baxday Somaliland ku xireen magaalada Hareygeysa iyagoo ku eedeyey waxa ay ku sheegen ”Shirqool ay maleegeysay” Dhibaatada gabadhaasi loo geystay waxey noqotay mid waxyeelo u geystay jiritaanka nolosheeda. Sidaas daraadeed ayaaneyn in dadku badankiisa waxey ogyihiin aan u sheego maanta. Dhacdada sheekadan waxaad moodaa in maamulkaasi iska indho tiray dhaqankii wanaagsana Soomaalida ee weligii xushmada iyo texgelinta haweenka fari jiray. Waxaase wax lugu qoslo ah markey sheegen waxaan qiil noqoney ee ah in ruux dumar ah maleegayo shirqool. Malaha waxey is bar bar dhigeen dumarka Falastiin ee xaq u dirirka ah, kadib markii gabar looyarad aheyd ay nafteeda hubeysay si ay leyso Yahuuda dhulkooda heysato. Wuxuuse xarriga gabadhan ogoonta ah arrinkeedu ahaa ”Baroorta orgiga kaweyn” xurguf siyaasadeed oo u dhaxeysay maamuladda loogu yeero ”Land- Land-yadda lugu xirriiriyey.

Dhanka koonfiurta ee iskuma talisada lafteedu waxey reero Land Land, la wadagaan dhibaatada loo geysto dumarka, haddii xarig loogu sinto ay ahaan laheyd mid caqli gal ah, Balse waxey qolyahan ku kaceen waxaan weligeed lugu kicin. Degmada Jowhar ee maamulka Maxamed Dheere, waxaa nin xaaskiisa gacmaha kaga jiray faas, kadib markuu sheegtay iney gubtay guryo coosh ka dhisnaa, wuxuu ninkan Alle ma kacabsadaha ah sameeyey waxaan Alle iyo Diintiisuba raali ka aheyn, wuxuuna tiray xubnihii ugu muhiimsanaa ee lixdeeda lixaad. Taasoo gabadhan aysan adduun iyo Aakhiro ku cafineyn.

Gabdho kale oo kamid ah kuwa aan reerahoodu hubeysneyn ayaa qaarkood korkooda waxyeelo loogeystay waxaana ka xasuusana gabadhii ugu dambeysay ee lagubay iyadoo lugu sheegtay lacag u dhiganto 25 dollar. Faay Maxamuud gabar miskiin ah oo si naxariis darro ah korkeedii dab iyo bansiin ugu gubtay haweeney aan Illahey ka baqan ee adduunyo raac aheyd markey sheegatay iney ku laheyd lacag deyn ah. Hadaba akhriste dhibka heysta haweenka Soomaaliyeed maahan kuwo halkan lugu soo koobi karro, balse ay jiraan kuwo aan muuqan oo ah dhibanayaal u baahan ga gaar deg ah kuna saleysan dowlad nabad iyo cadaalad.

Waxaan qoraalkeygan ku soo koobaya in Soomaalidu ka waantoobaan xuska malintaasi sababaha soo socda. Tan koowaad inta dhibaatada loo geysanayo dumarka Soomaaliyeed aysan habooneyn iney maalintaasi weyneeyaan. Marba hadaaney wax ka qaban karrin. Tan labaad inta dalku yahay dowlad li’, oo aysan jirin cid aan Illaahey aheyn oo loo dacwoodo. Iyo in lala dirriri karro kuwa ku tumanaya xaquuqda Haweenka. iy muwaadinka Soomaaliyeed. Haddii inta aan soo sheegay ay bulshaddu y tahay diyaar waxaan qabaa iney dumarka maalintooda xusi karaan, walow diiniyanba wanaagsaneyn. Haddii kale bulshaddu iyadoo aheyd ismu taliso iyo isma dhaanto iyo dhasheed, waxey ahaan doonaan kuwo lawaayo mustaqbalka jiritaankooda.


February /10/2005

Sacab maxaa habeenkii loo tumaa hadaan wax ku jirin?

 

Waxaa qortay; Ikraam Cali-kaar


Waa la filayey talaabadda ku dhisan kalitalisnimada ee u ku dhaqaaqay Madaxweynaha dhaarta har cad ku maray inuu adeegayo dalka iyo dadka Soomaaliyeed. Sidoo kale ma aheyn mid dadku ay sugayeen in Cabdulaahigii maalintii loo caleemo saarayey ku kaftamay inuu isaga yahay ” Kii Soomaaliya xabadda cuntay horseeday maantana uu noqon doona kan ugu horeeya ee dhigaya” Hadaba haddii sida uu sheegay odeygaasi xukun jeceykal u laayey masaakin aan wax galabsan, cadowgii soo jireenka ahaana ummaddu u horseeday dalka, maxey tahay waxa la oran karro nabagalyadiisa ayey halis ku tahay? Yey tahay cidda isaga cadowga gaarka ku ah ee aanay la qabin dagaal oogeyaalka kale ee wasaaraddaha beenta ah isaga aamusiyey?? Wel welka weyn ee Cabdulaahi ka heysta Muqdisho ee aan Beydhabo uga imaneyn maxey tahay? Beydhabo sow ma ahan meel u dhow dal cadow ah, islamarkaasina ayba joogaan ciidamadda cadowgaasi?? Haddii Cabdulaahi ka baqayo cadow isaga u gaar ah miyaaney duqu ogeyn iney meel kasta ku dili karraan? Jawaabtu waa cadahaya umana baahna in siyaallo kala duwan qiil loogu hello.

Hadaba siddii diirneyd ee wefdigii dowlada loogu soo dhaweeyey Muqdisho, waxey ahaayeen kuwo cid walba ay ogeyd, dareenka dadkuna wuxuu ka tarumeyey rabitaanka dowlad Soomaaaliyeed oo markale soo noolaata si qiimaha qofka soomaaligu lahaa soo laabato lana helo dowrkii ay dowlada Soomaaliyeed ku laheyd saxaadda siyaasaddeed ee caalamka. Maanta ciidamo shisheeye ay Itoobiya hormuud ka tahay cidda dooneysa waa kuwo sida ay muuqato aan danaha ummadda xanuun ku heyn oo ay tooda gaarka ah u muuqato.

Shalay waxaa magaalada Muqdisho lugu dilay ruux aan dambi gelin dilkeedana aaney diintu baneyn. Gabadhan weriyaha aheyd u dhalatay dalka Ingiriiska waxey lamid tahay dhiiga shacaka Soomaaliyeed ee maalin walba sabab la’an ku daadanaya. Sidoo kale dilalaka qorsheysan ee lugu filiyey qaar kamid ah ciidamadii qalabka, iyadana waxey tahay kuwo ujeedo fog laga lahaa qolo kastoo adeegsatana ay gaartay hadafkey laheyd.

Shacabku inkastoo ay yihiin kuwa maanta halaaga jira qeyb ka ah oo durbaanada u tumay kuwo aan qiimo laheyn oo xitaa qalinkaan wax ku qorayo aan u dhiibteen ayaa hadana waxaan la dafirikarrin in badan oo iyaga kamid ah iney doonayan nabad iyo dowlad, sidaas aawadeed maanta waxkasta waxey dhaafsiinsan lahaayeen hadey helayan Nabadgalayo. Arrinkooduse ma dhaafo ”Hadal aan ficil laheyn” malaha waxey ilowsan yihiin ooraahdi carabiga aheyd ”Xarrako Xarrako Lahaa Baraka”. Oo Haddey uun sameyn lahaayeen xooga dhaq dhaqaaq ah ay iska qaadi lahaayeen heeryada dagaal oogeyaalka. Nasiib darrase waxaa la yiri ”Hal ninkii kicin lahaa seynta kaga taagan yahay makacdo baa la yiraahdaa”

Go’aanka adag ee Cabdulaahi Yuusuf ku doonay ciidamo Afrikan ah, meelkastana ka sheegay inuu u baahan yahay ciidamo ka dhiga waxa uu ku sheegay meleeshiyaadka hubeysan, taasi waxey caddeyneysaa in ujeedadu aaney aheyn nabad lugu doonayo in Soomaaliya lugu soo dabaallo dadkan is dilayna la iskugu keenayo. Madaxweynuhu wuxuu og yahay in sabankan uusan dagaal shaqsi ahaaneed kala dhaxeyn kooxaha Muqdisho ee codkoodi siiyey. Sababta uu ciidamo shisheeye ugu ordayana waa mid dadka siyaasadda kala rog roga aaney ishaarikarin dabanida dhigsan.

Si kastaba arrintu ahaatee haddii Cabdullaahi Yuusuf doonayo hormarka Soomaaliya waa inuu geed dheer iyo mid gaabanba u korro, haddii kale waxaa muuqanaeysa sida uu sheegtay inuu yahay nin ”Itoobiyaahan ah” ” ayana qortay jariiradad laga leeyahay Itoobiya oo mar sii horeysay wareysi uu siiyey” luguna soo daabacay shabakada Mudug Online. Baadi doonkii madaxweynahu ugu jiray gaarista mansabka ugu sareeya ee Soomaaliya, haddii higsaday weligiina uu sheegi jiray inuu kasoo horjeedoo xukunkii Maxamed Siyaad Barre badalkeedi ma waxaa noqotay inuu yiraahdo ”Soomaaliya argagaxiso baa joogta, iyo qadiyadiiSoomaliweyn ee doonista dhulka maqan ku sheego OLD FASHION, ama sheeko baraleey. Taasi waa ayaan darro tii ugu weyneyd u soo hoyata soomaalida guud ahaanteed.

Su’aasha furan waxey tahay haddii ay ummadda Soomaliyeed tiri “dooni mayno ciidamo shiisheeye”, barlamaanku ma ummadda ayuu matalaa mise danta madaxweyne laaluush ku hurgufahaya ayaay fulin doonan?? Waxey ila tahay baarlamaanku in maanta la kala barran doono hadduu u adeego danaha ummadda amase u adeegada duqada GODEY looga arrimiyo. Haddii kalase xaalka xillidhibaan ku sheegyada ay nooqonayaan “Damiir qabayaalkii shalay ee codkooda kalsoonida siiyey prof: Geedi. Daneystinimo aawgeedna markale cod aqlibiyad leh ku siiyey iyagoo arkayey qaladkey shalay ku dhaliileen.

Gunaanadka qoraalkeyga wuxuu yahay haddii Cabdullaahi Yuusuf iyo dowladiisa ay rajo ka qabaan iney sii fadhiyaan 5-ta sanno ee soo socdaa waa iney ka dhii dhiyaan waxkasta oo soomaalida maanta markale dagaal u horseedi karra.

Waxaa Qortay: Ikraam Cali-kaar
Ikraam_calikaar@hotmail.com

February /02/2005

Xafladii U hiilli Hobolkaaga Ee Gothenburg Sweden Oo Ay Carqaladeeyeen Koox Wadaaddo Ah.

Waxaa qortay; Ikraam Cali-kaar
Sawirka: Abdul Mukhtaar

Habib sharabi

Habeenimadii sabtida soo galay taariikhduna ku beegneyd 28.1.2005-ta waxa magaalada Gothenburg ee dalka Sweden ka dhacday xaflad loogu magac darray u hiili hobolkaaga oo hindisaheeda lahaa Abwaanka weyn ee Yuusuf Maxamed Muumin (Yuusuf yare). Xafladan oo lugu taageerayey fanaankii Cabdi Tahliil Warsamey oo ku xanuunsanaya dalka Isutaga Imaaradka Carabta, ayaa fanaaniinta Soomaalida Sweden iyagoon u hakala harrin kasoo qeybgaleen xafladaasi kuna soo ban dhigeen bandhig faneedyadoodii looga bartay. Hase ahaatee siddii la doonayey xafladaasi uma dhicin sababtuna waa iyadoo ay qaban qaabiyeyaashu ku sheegen wadaado carqaladeeyey, ka hor intii aaney xafladu dhicin.

Tuni Iyo Habiba Wanaag

Abaarihii 10-kii fiidnimo ayaa meesha ay xafladu ka dhici laheyd oo ah xaafad ay sida aadka ah Soomaalida u tago yimaadeen koox wadaado ah, waxaana halkaasi hadalo kulul is weydaarsadeen qaar kamid ah qaban qaabiyeyaasha xaflada oo arrintoodu qarka u saarneyd iney u yeeraan boolis aminiga ilaalisha, kadib markii labada kooxoodba ay qoloba qolada kale eedeyneyso.

Tuni Iyo Aamino Sindiko

Qaban qaabiyeyaasha xaflada ayaa iyagu la sheegay iney wadaada ku yiraahdeen hadaad meesha ka tegiweysaan waxaan u yeereynaa boolis oo aan leenahay waa ”Argagaxiso” Halka wadaadaduna sheegen in iyaguna haddii boolis yimaado oran doonan ”Meesha waxaa lugu iibinayaa maandooriyeyaal”. Muddo gaaban kadib ayaa fanaaniintii reer Stockholm oo hogaaminayey Yuusuf yare oo yimid goobta la hadlay wadaadadii iyo dhalinyaradii oo qoorta iskula jira, waxaana ay aakhirkii ku dhamaatay is afagarasho sida uu ii sheegay Yuusuf yare oo aan goor dambe qadka taleefanka kula hadlay. Mar aan weydiiyey sida ay isku afgarteen ayuu yiri ”Markaan arkay kooxdii wadaada aheyd oo raxan raxan ah, ayaan ku iri marka hore hogaan aan la hadlo oo addiinka idiin kamid ah ayaan rabaa sida ay Diintu Islaamkuba qabto ileyn dhowr iyo qof lamawada hadli karee, kadibna waxaan la hadlay hogaankoodi anah uma arkeyn imaatinkooda wax qalad ah bacdamaa ay gudanayen waajibaad diini, marba haddii meel la iskugu yimaado ay waajib tahay iney Alle ka cabsiga la is xasuusiyo is jiid jiid dheer kadibna waa ay gareysteen wadaadi meshiina wey iskaga tageen”.

Somali Hip Hop group

Dhinaca kale ogaal la’aan jiray bulshada oo dhami aaney ogeyn iyo dhinaca wargelinta oo aad u liidatay marka laga reebo in qoraal ogeysiis ahaan loogu dhejiyey website-yada soomaalida ay iyadana aheyd sababta labaad ee xafladaasi nuxurkii iyo ujeedadii loo sameeyeyba ka qaaday, dad tiro ahaan kayar 50 ruux oo kasoo qeybgalay xafladdii habeenkaasiay goob joog ahaayeen. Waxeyna tanin noqotay mid niyad jab ku riday fanaaniintii safarka u soo gashay si ay u kaalmeeeyan walaalkooda Cabdi Tahliil Warsame.

Dhalintii Ka soo qeybgashay Xaflada Qaar ka mid ah.

Xafaladan (u Hiili Hobolkaaga) ayaa qeybteeda labaad waxaa bishan dabayaaqadeeda lugu qaban doonaa magaalada Stockholm oo ah caasimadda Sweden, waxaana ay fanaaniintu rajeynayaan in dad badani ay kasoo qeyb geli doonaan, maadama magaalada Stockhom ay ka shacbiyad badan tahay magaalada Gothenburg oo iyaddu ay aaminsan yihiin bahda fanaaniinta Soomaaliyeed magaaalo ”hoy u ah ragga wadaada ah”.

Fanaaniin badan oo ay kamid yihiin Xassan Aadan Samatar, Maryan Mursal, Saacado Cali Warsame,Hibo Maxamed (Hibo Nuura) iyo qaar kaloo badan ayaa magaalada horey bandhig faneedyadooda luugu carqaladeeyey,waxaana ay magaaladu noqotay mid aaney kooxaha fanaaninta ahi aysan ku soo dhiiran ay ku ekaadan magaalada Stockholm iyo magaalooyinka kale ee Kobahagen iyo Oslo.

Fanaaniin ay kamid yihiin Hobol Yuusuf Muumin, Xabiib Sharaabi, C/kariin Tunni, C/naasir Illeeye,Xabiibo Maxamuud Cabdi (Xabiibo Wanaag), Maxamed Cumar, Deeq Ismaaciil Dheeg, kooxda Soomali Hip Hop, Aamina Faarax Weheliye Sendiko oo iyadu sidey sheegtay ugu timid magaalada London ee dalka Ingiriiska iyo qaar kale oo aan halkan magacyadooda lugu soo wada xusi karrin ayaa habeenkaasi safka hore kaga jiray bandhig faneedkii ay ugu talagaleen hobolkii Cabdi Tahliil iyagoo maamulkooduna uu aad u habeynaa, waana markii ugu horeysay ee sabanadan dambe la arko koox fanaaniin Soomaaliyeed oo tirro intaas la eg iyagoo nidaamsan ay wada jir u sameeyen bandhigfaneed.

Ikraam Cali-kaar
ikraam@journalist.com

January /29/2005

Xasuuqii Auschwitz Oo Shalay Dunida Laga Xusay

Waxaa isku soo duwday; Ikraam Cali-kaar

Shalay oo khamiis ah waxaa dalka ku sugan madax ka tirsan Caalamka kuwaasoo xusaya gumaadkii ba’naa ee lo geystay dadkii yahuuda ahaa ee Auschwitz Hitler-kii Naaziga ahaa ku dilay. Madaxweynaha dalkaasi Polan oo isagu ka hadlay xuska sanad guuradaasi ayaa sheegay in wixii ka dhacay xerradii Auschitz ay ahaayeen gumaad ba’an iyo meel ka dhac loo geystay bani’aadnimada, wuxuuna xusay in weli caalamka ay kajirto waxyeelooyin badan oo lageysto Sidaas aawadeed casharo lugu qaataa ay haboon tahay.

”Waxaan u sheegayaa dunidda in tan oo kale aysan markale dhicin oo laga hortago” ayuu yiri Jeneraal Antolij Sjaripo oo isagu ahaa Jeneraal watay ciidamadii Ruushanka ahaa ee la oran jiray ”ciidanka cas” ee iyagu xoreeyey goobtaasi. Wuxuuna hadalkaasi yiri mar uu ka hadlayey teleefanka la is arko isagoo ku suganaa dalka Mareykana. ”U Ogolow in Dadkeyga noolaadan” ayuu sii daba dhigay hadalkiisi isagoo xamaasadeysan welina xasuustiisi ku dambeyso wixii uu indhihiisa ku arkay maalintey ciidankii uu watay galeen Auschwitz ee dalka Polan.

Askartii ka qeyb qaadatay dagaalkii lugu xoreynayey Auschwitz iyo dadkii ka badbaaday gumaadkaasi ayaa badi maanta da’doodu waxey kor u dhaaftay 80 sanno waxaana urrur la soo abaabulay oo madax looga dhigay ninka la yiraahdo Moshin Kontor ay soo buux dhaasheen goobtii xuska socday iyagii si u qushuucsanaa qaarkoodna ay dhagahooda ka yeereayeen dhawaaqii naxdinta lahaa ee sida naxariis darrada ah Hitler u gumaaday.

Dhinaca kale Madaxweyne ku xigeenka Mareykanka Dick Cheney oo isagu ka qeyb galay xuskaasi ayaa sheegay in gumaadkii Auschwitz uu ahaa mid dhaawac u geystay wadnihii kacaanka dunida. ”Si aysan arrintan oo kale u dhicin waa inaan waxkasta sameynaa” ayuu yiri nin ku socoday kooxo Mareykanka matalayey oo halkaasi shalay joogay.

”Waxaan aynaan weli fahmin sababta iyo waxa dhaliyey in laga aamuso gumaadkii Hitler qarnigii 20aad, Xullafaduna ay joojin gaaskii iyo dabkii lugu laayey dadkii la gumaaday” ayuu yiri Madaxweynaha Israa’iil Moshe katsav oo halkaasi ku sugnaa kana mid ahaa madaxda caalamka ee lugu martiqaaday.

Vladamir Putin-ka Ruusha oo isagana xuskaasi joogay ayaa walaac ka muujiyey sida maanta caalamka ay ugu soo badanayaan naceybka loo hayo qowmiyadaha kala duwan, waxaana u sheegay iney weji gabax ku tahay naceybka noocaas ah in dalkaasi maanta ka jiro. ”Argagaxisada” ayuu yiri waxaa ay maanta dunidan casriga ah isku badashay ama u xuubsiibatay naceyb qatar ku ah ilbaxnimadda dunida, waxaana ku rajo weynahay inaan badbaadin karrno xaddaaradeena hadaan ku mideysnaano ka hortaga kooxaha halista ku ah hormarka iyo ilbaxnimada dunida ee cadowga ah” Madax kala duwan oo caalamka ka tirsan ayaa iyagu sanad guuradii 60 ee xasuuqii Auschwitz, ka qeyb qaatay, waxaana in badan oo iyaga kamid ah ay muujiyeen sida dareenkoodu ahaa markii gumaadkii ba’naa uu Hitler-kii Naasiga ahaa u geystay.

Maalintii wixii ka dambeeyey dadka Yahuuda ah waxey heleen fursad ay kaga kaban karaan dhaawicii loo geystay, waxaana hantiyeen dhamaan ilihii dhaqaale, warfaafintii iyo siyaasadda caalamka waana mida maanta sahashay in uu dhaco isku dhac xagga xadaarada ah oo ay guud ahaan Yahuudu kaga aargudan karrto cidkasta oo jiritaankooda wax u yeeshay, hadey ahaan laheyd mid diimeed iyo mid kaleba.

January /27/2005

Cabdulaahi Sheekh Ismaaciil: ”Waxaanu dooneynaa kaalmada Jaamacada Carabta si hubka looga dhigo 20 kun oo hubeysan”

Waxaa tarjuntay; Ikraam Cali-kaar

Wasiirka arrimaha Dibadda ee Soomaaliya Cabdullaahi Sheekh Ismaaciil ayaa wareysi dheer uu siiyey wargeyska Sharq-Alwsat ee kasoo baxa magaalada London ku sheegay in xukuumaddiisu dooneyso sidii ay Jaamacada Carabtu dowr muuqda ugu yeelan laheyd dib u dhiska dalka. Waxaana uu sheegay iney jirto xirriiro lugu doonayo in dib loogu soo celiyo malafka la xirriira arrimaha Soomaaliya, shirka Jaamacadda Carabtu ku yeelaneyso magaalada Aljeris ee xarrunta dalkaasi Aljeeriya bisha maarso ee fooda inugu soo heyso ka furmayo. Si loo hor dhigo suntuuqa dhaqaale ee Soomaaliya carabtu ugu talagashay taasoo qiimuhiisu ugu horeysa gaarayo qiyaastii lacag dhan 3 malyan oo doolarka Mareykanka ah.

Waxa kale oo uu sheegay wasiirku in xukuumaddiisu ay meel eber ah wax kasoo bilaabeyso si loo dhiso dhamaan adeegyadii bulshada iyo kaabayaashi dhaqaale ee bur burka baaxadda lihi ku dhacay markii la riday xukuumaddii Maxamed Siyaad Barre sanaddii 1991-kii. Taasina uu ku tilmaamay mid aan sahlaneyn oo u baahan dhaqaale xoog leh. Dhanka kale isagoo ka hadlaya ahmiyada ay leedahay ciidamo hub ka dhigis ku sameeya 20-ka kun ee meleeshiyaadka kooxaha u hubeysan ee uu sheegay ayuu yiri ” Waxaanu dooneynaa in Jaamacadda Carabtu la shaqeyso ciidamadda Afrikanta ah ama kuwa kale ee caalamiga ah, si xukuumadda Geedi ay u suuragasho in dalka dib ugu laabato iyadoo amni jirro markaasina ka howlgasho dalkeeda”.

”Annagu markasta waanu soo dhaweynanaa joogitaanta ciidamo carbeed” ayuu misna sii daba dhigay hadalkiisa isgoo muujinaya sida ay u daneynayaan in jaamacadda Carabtu dowr muuqda ku yeelato dibu dhiska guud ahaan Soomaaliyada dagaalada sokeeye jilaafteen.
Wasiirku waxaa kale oo u sheegay wargeyska in xukuumaddiisa dooneyso taageerada Jaamacadda Carabta si dib loo soo celiyo ilihii dhaqaale iyo nabadgalyadii luntay,tanina wuxuu xusay iney jirto xirriir labada dhinac u dhaxeeya oo wadashaqeyn iyo wadahadal toos ah si Soomaaliya u hesho kaalmo caalami ah xilliga adag ee kala guurka. Jaamacada Carabtu dalalka ku jira waa kuwa si deg deg ah guulaha ugu dabaaldaga wixii lasoo hordhigana aqbala balse aan waxba qaban” ayuu yiri wasiirku oo si u muujinayey balanqaadyada beenta ah ee carabta waxna aan kasoo naas cadaan. Waxaana hadalka uu sii daba dhigay iney wadayaan cadaadiska ay saarayaan kooxaha carabta si ay meel u mariyaan waajibaadka kasaaran arrimaha Soomaaliya.

Kulaabashada dalka ee xukuumadiisa ayuu wasiirku xusay ineysan sahlananeyn oo wasiiraddu aaney qaarkood ka iman Paris iyo Roma waa sida uu hadalka u dhigay, balse waxa uu sheegay in go’aanka waqtiga lugu laabanayo dalka ay u taalo xukuumada. Waxaase wuxuu wax kama jiraan ku tilmaamay wararka sheegaya in dalalka Itoobiya iyo Kenya ay farogelin ku heyaan arrimaha Soomaalida.

”Dadka sheegaya wararka aan salka iyo raadka leyn waa kuwo aan muqlis aheyn oo doonaya iney ”Caddaawad” ka dhex abuuran Carabta iyo Itoobiya” ayuu yiri isagoo gebi ahaanba dafiray sida tooska ah ay Itoobiya faraha kula jirto siyaasada soomaalida wuxuuna hoosta ka xariiqay in dhismaha Baaralamaanka iyo dowladda dibad joogta ah ku timid wax uu ku tilmaamay rabitaanka shacabka. Islamarkaasina ay doonayaan in deris wanaag dhexmaro dhamaan dalalka deriska ah.

Isha warka: Wargeyska Sharq- Alwsat

January /16/2005

Wiilka uu dhalay Amiirka Ingiriiska oo fadeexo
midabtakoor ah hareysay

[Wargeyska The Sun: "Hitler youth”]

Midabtakoor iyo faquuqa loo geysto qowmiyado ku nool dunidan daafaheeda ma ahan wax hada ku cusub ee waxey aheyd mid waligeed soo taagneyd tan iyo seman aad u fog. Waxaase intaas u dheer dagaal diimeed iyo mid xadaaradeed oo ilaa imankadan dhibteeda lala ciirayo. Sida aanu ogsoonahayna mustamacradii Ingiriiska waxey maalin maalmaha kamid ah aheyd awoodihii ugu waa weynaa gumeystayaalkii boobka iyo kala qeybinta darran u geystay caalamka aakhirkiina keenay iney maanta weyso qeyb kamid ah awoodii ay laheyd.

Hadaanba iyada loo talin.Hadaba wiilka uu dhalay amiirka dhaxalka leh ee dalkaasi Ingiriiska Amiir Harry iyo guud ahaan qoyskaasi reer Boqor ayaa hareeysay fadeexo la xirriirta midab faquuq ah, kadib markii Amiirkaasi Harry la yiraadho uu soo xirtay dhar Unifoom ah oo gacanta bidix kaga sawiran tahay astaantii lugu yaqiinay Naasiyiinta Jarmalka ee gumaadka weyn ugeystay dadkii Yahuuda ahaa ku noolaa Yurubta bari waqtiyadii u dhaxeysay dagaaladii koowaad iyo labaad ee dunida.

Amiirkan oo ka qeybgalay xaflad ay koox ugu maamuusayey mustacmirada dalkaasi waa sida wargeyska qoraye ayaa Amiirkan yari oo gacanta koob qamri ah ku heysto soo xirtay calaamadii astaanka u aheyd kooxihii faquuqa caanka ku ahaa ee Hitler.

Dhacdadan ayaa waxa ay durba luxay dareenka Yahuuda ah ee dalkaasi ku nool Waxaana ay sheegen in falkani yahay mid dib u xasuusinaya dhaawacii loo geystay yahuudii ka badbaaday gumaadkii Hitler."Ma ahan mid dha dhan leh" ayuu yiri ninka la yiraahdo Lord Janner oo ah siyaasi katirsan xisbiga Labour isagoo u waramayey isla wargeyska dhacdadan soo bandhigay. Ninka kale oo isna kamid ah jaaliyada yahuuda dalkaasi oo dareenkiisa ku aadan arritan ayaa sheegay ineysan aheyn wax talaabo noocaas ah oo kaftan geli kara, waxaana uu yiri " Auschwitz" oo keliya ayaa ku dhimatay halmalyan oo Yahuud ah.Dhowrka toddobaad ee fooda nugu soo haya waxaa lugu wadaa iney dunidu xusto 60 sanno guuradii kasoo wareegtay markii Naasigii Hitler iyo askartiisi laga xoreeyey Auschwitz.Khabiiryahan la yiraahdo Dick Arbiter oo isagu ku xeel dheer arimaha qoyska reer Boqor ayaa sawiradii wargeyska The Sun ku tilmaamay "Musiibo" .

Dhinaca kale siyaasin badan oo dalkaasi ayaa waxey qabaan in si deg deg ah loo joojiyo howlaha meleteri ee wiilkan wado.. "Askartii kasoo qeyb qaadatay dagaalkii 2aad ee dunnida si qalbi jab ah ayey ugu xumaadeen filkii Amiir Harry. Waayo askartaasi dalkooda ayey u dagaalameen qaar badan oo iyaga kamid ah ayaa saaxiibayaalkood ku waayey sida ay qaar kale oo tobanaan kun ah ay u waayeen ehelkooda iyagoo la dagaalamayey Naasiyiintii Jarmalka" ayuu yiri Mr Arbiter oo u warameyey telefeyshinka SKY News.

Goor dambe ayaa Amiir Harry waxaa bixiyey raaligeyn isagoo sheegay iney aheyd dhar qaladan uu qaatay waa sida uu hadalka u dhigaye. Dhanka kale ma ahan markii ugu horeysay ee Amiirkani uu cinwaanada waaweyn ee wargeysyada kamuuqto mar sii horeysay ayuu waxyeelo u geystay sawir qaade wargeys kaasoo uu kula kulmay goob lugu caweeyo.

Wargeyska The Sun oo arrintan soo shaac bixiyey ayaa maanta cadadkiisi soo baxay waxa uu xusay in Amiir Harry keliya uu soo xiran astaantii Naasiga balse walaalkiis kale ee William uu isna qarsaday madaxa isagoo xirnaa dharkii Naasiga.

Isku sooo wada duuboo ma ahan markii ugu horeysay ee fadeexooyin nooca ay tahay hareyso qoyska reer Boqor ee dalkaasi, balse tani waa midii ugu yaabka badneyd ee soo wajahda taariikhdana baal dahab ah ka gashay.

Waxaa isku soo duwday; Ikraam Cali-kaar
I kraam2journalist.com


”Maradoona iyo Muuqaalkiisa maanta!”

Waxaa qortay; Ikraam Cali-kaar

Xiddigii kubada cagta ee Diego Maradona, waxa uu kamid ahaa raggii ugu magacaga dheer ee soo mara taariikhda ciyaaraha kubada cagta inta la xasuusan yahay. Lama soo koobi karro muuqaalkiisi guud waqtiga uu ahaa nin lugtiisa laga dambeeyo.

Waayaha iyo waqtiga sida aad doonta marna kuuma soo maraane ee waxaad kala kulantaa wareer iyo wanaag midba sida ay kuu soo wajahdo.Maantase muxuu ku sugan yahay ciyaaryahankaasi beri qiimo lahaa?

Diego Maradona oo waqtiyadii dambe u batay dhinaca balwada iyo isticmaalka maandooriyaha ayaa la ildaran cuduro muddadii 17-ka sanno aheyd uu hoy u ahaa maandooriyaha Kookaayiinta. Maradona oo mar ahaan jiray wadnihii Argentin ayaa maanta si kedis waxaa soo qabatay indhaha kaamiradaha caalamka.

Wakaalada wararka ee AP oo arrintan qortay mid lugu tilmaami karro filanwaa ayaa sawirkii ugu ee ay soo gudbiso wuxuu ahaa mid muujinaya sida uu miisaanka jirka u kordhay kadib markii uu gaaray 120 kilo, taasoo ah mid dadkii lasoo shaqeeyey iyo guud ahaan bulshada ciyaaraha ku abuurtay mutacajab.

Sidoo kale guud ahaan xaaladiisa caafimaad oo aad u liidata ayaa waxaa la sheegay in 38% oo kiliya uu jirkiisa xamili karro cudur kasta oo soo wajaha noloshiisana qatar ku ah kusugan yahay.

Maradona ayaa markii ugu dambeysay waxaa ka qeybgalay ciyaar lugu qabtay magaalada Munche ee dalka Jarmalka, wixii ka dambeeyey waqtigaasina hadba waxaa lugu daweynayey xarumo caafimaad oo kala duwan oo ay kamid tahay cisbital ku yaala dalka Kuba. Muuqaalkiisi ugu dambeeyeyna waxa uu tilmaamaya inaanu guud ahaan caafimaadsu caadi aheyn isagoo gaaray gacmaha laga qabto.

 

Ikraam Cali-kaar
Gothenburg, Sweden
ikraam@journalist.com