Sheeko Gaaban
 

 

Qeybta 1 aad
Qeybta 2 aad
Qeybta 3 aad

Qeybta 4aad

Qeybta 5aad

Qeybta 6aad

Qeybta 7aad

Qeybta 8aad

Qeybta 9aad

Qeybta 10 aad

Qeybta 11 aad

Qeybta 12 aad

Qeybta 13 aad

Qeybta 14 aad


SomaliRoots
Wareysigii Ikram

Qeybtii 13 aad

 Miyaan dooqa keligeey laheyn?


Islaantii inkastoo hadal mug weyn lugula hadlay hadana ma ahan qof dooneysa in xaalku ku dhamaado sida gabadheeda jeceshahay. Waxkasta waxaa kala weyn balantii ay ka qaaday walaalkeed oo maddi ah ugana jeceshahay dadka.
Tallo ka wareertay fikirka ugu weyn hadda heysta ee ay iska dhaa dhacsiisay waxa weeye in lugu sheekeysanayo buuqa dhexmaray iyada iyo gabadheeda. Mida ay mudnaanta koowaad siineyso waa in gabadha guriga ku soo celiso kadibna ay xoog ku maquuniso. Koley iyadaa diiday wanaagiye.

Markey aragtay in islaanta meel dhow wax ka tustay una sheegtay inaan maanta dagaal iyo buuq wax lagu qaadeyn ayey bilowday iney calaacasho una qalbi dabacdo Xaajiyo Amina oo dad ugu dhow. Hadey xitaa muujin laheyd ad adkaan dantaa ka xoog badan wey ku qasban tahay iney la kaashato cidkasta oo ay u aragto iney gabadheeda warka ka maqleyso ka hor intaaney xaajadu faraha ka bixin.
Duq Maryan waxey u sheegtay Xaajyada sababta ay u dooneyso in gabadheeda u guuriso Cabbaas.

“Yaab badanaa!” Faadumooy, maad ka joogtid hadalkaasi gabadhu sow maahan qaan gaar, maad siisid fursad Cabaasna waa nin wax garad ah hadey diiday maxaa qoorta la iskugu gelinayaa,mase ogtahay dhibka ka iman karra berito dadaan is rabin.
- Waa runtaa, laakin gabdhadeyda maahan mid ceebi ka iman karto waan ku kalsoonahay, nin ka wanaagsan oo ay guursan laheyd ma jirto.

- Isagana wuu jecel yahay diyaar buu waxkasta ula yahay. Walaalkey baan ka balan qaaday inaan Cabbaas ku darro gabdheyda, yaraantoodiii baa la isku doonay.

- Marka walaaleey reerihii oo dhan baa dhowr jeer i weydiiyey waqtiga laga dhigayo meherka marba hadey soo dhawaaday xirritaanka iskuulka. Mana doonayo inaan isku ceebyo dumaashiyaalkeey waa dad xan badan oo I arkaya inaan u talin karin gabdheyda. Markasta waxey I yiraahdaan Cabbaas oo nin ah baan u talinaa oo warkeena maqlee maxey gabadhaadu kuu maqli la’dahay? Marka ceebtaas xageen ka galaya, hadeysan warkeyga maqleyn sow ma ihi qeyral mas’uul?

- Qeyral mas’uulinimada iyo ciseynta waalidka waa kala labo taasi ha ilaawin Maryaneey, laakin gabadhaadu waxaan ogahay iney kaa baqdo oo ay inta badan kuu dhago nugu shahay. Balse marka carruurtu weynaadan waa dhici kartaa in wax badan lugu kala aragti duwanaado. Sheekadaas ka fiirso yeysan kula fududaan.

- Fudeyd ha ii dambeeyo Aminaay, gabdhii soo dir! Una sheeg inaan wax ku sameyneyn oo aan wadahal ku dhameyn doono qilaafka dhexdeena jira.

- Waan wargelinayaa gabdhaadee laakin kaasho deganaanta lafteeda ixtiraam bey kugu leedaha iyo qiimeyne ha qasbin.
Saacado badan bey qaataday wadahalkii labada islaamood inkastoo Xaajiyo Amina ay kor iyo hoos ula hadashay Amran hooyadeed hadana waxaa la yiri “ruux meeli u cadahay meeli u madow” Markey Islaantii Amina aheyd aragtay iney meel keliya ku dhagan tahay ayey iska dhigtay teleefankii iyadoo niyada ka leh “Iga tag madax adagaa dumaashidey, siddee Xaaji Yuusuf ku hayey Allow muxuu dulqaaad badan lahaa Illaahow kuu naxariiso”
Warjiraaba cakaaru iman! Amran iyo hooyadeed waxey arrintoodi gaartay in eheladii soo kala dhex galaan, qofkastaa oo iyaga kamid ah meel ku dheg noqdo.

Amran maanta waxey xaaji ka mareysa iney deero ka ahaato reerkii ay ka dhalatay, halka hooyadeedna ay gabadheeda ku heshiin karaan tahay Cabbaas oo ay guurkiisa aqbasho haddii kale ay ku waalid iyo walaal la’aaneyso habaar iyo dhibaato adduuna diyaar u noqto.

Amran oo maqleysay hadaladii dhexmaray labada islaamood baa markey islaanta dhameysay teleefanka ugu soo gashay qolka fadhiga weydiisana waxa jira ee eey hooyadood ku andacooneyso.
Xaajiyo Amina waxey u sheegtay Amran halka arrini taagan tahay, taasoo ah in Amran ay hooyadeed is afgaran karan oo keliya markey Cabbaas guurkiisa aqbasho. Balse ay marka hore wadahalku furan yahay sidaas daraadeedna laga doonayo in guriga deg deg u timaado.

”Wallee hadduu aduunyada Cabbaas kasoo harro inaan guursaneyne ee Allow yaa yiraahda is dejiya!” ayey inta iskula guuxday madaxana ruxday. Amran oo sheekadan la sheegayo iyo ja juubkan ay madaxeeda ka weynaadeen baa islaantii eedadeed aheyd u sheegtay iney guurka ninkaasi ka doorbideyso iney dibad wareeg ahaato intii ay farxad la’aan ku noolaan laheyd.


Siddii caadadaada aheyd Maxamuud-kii jinniyaha qabay ayaa goor dambe ku soo laabtay gurigooda isagoo warjira moog ah. Islaantii oo wiilasheeda qaar kamid ahi hareer fadhiyaan sidii iney geeri gashay ayaa isagoo ka yaaban sharqan la’aanta guriga u soo gudbay fadhiga si bal u eego in guriga lajoogo iyo in kale. Markuu arkay hooyadiis oo ciil indhihii la gatuuteen ayaa isagoo naxsan weydiiyey waxa dhacay. Islaanta oo aan jecleyn iney saacadaas u sheegto waxa jira ayaa C/salaan oo dhinaca midig fadhiya la soo booday “Amran baa reerka deyro ka ah waxey joogtaa guri islaameed hooyana waxey ka wel welsn tahay xaaladeeda”
“Yaah” ayuu lasoo booday, DEYRO aa! buu misna sii daba dhigay hadalka isagoo jaakad uu watay iska sii bixinaya kursigana salka la sii helaya.

“Haa deyro” buu ugu jawaabay wiilkii yaraa.
- Oo maxaa deyrada keenay? I fahansiiya maxaa qaldan? “” Haaaa! Hadaan gartay weli sheeko baraleydii miyey wadaa, waxaan moodayey iney ka soo reysay intii hore??
- Dhoocishan horaan usheegay hooyadey ma rabto iney meel iska marriso. Intan ka badana looma dulqaadan karee, mana na ceebeyneyse tallo keena!.


FG: Xaquuqda sheekadan wey dhowran tahay, lama badali karro lamna qaadan karro ilaa ogolaansho buuxda laga helo qoraha sheekadan!


Lasoco cadadka dambe insha Allaah…….!

Ikraam Cali-kaar
Gothenburg, Sweden
ikraam@journalist.com

By. Ikram Ali Kar