Sheeko Gaaban
 

 

Qeybta 1 aad
Qeybta 2 aad
Qeybta 3 aad

Qeybta 4aad

Qeybta 5aad

Qeybta 6aad

Qeybta 7aad

Qeybta 8aad

Qeybta 9aad

Qeybta 10 aad

Qeybta 11 aad

Qeybta 12 aad

Qeybta 13 aad


SomaliRoots
Wareysigii Ikram

Qeybtii 8aad

 Miyaan dooqa keligeey laheyn?

Codsigii Cabbaas sidaas ayey Amaran ku fulisay. Waxaa halkii lugu cunay qado cajiib ah inkastoo aan Amran cunto sidaas u buuran u cunin, hadana markii la qadeeyey ayuu Cabbaas weydiiyey iney ku dari kareyso shaah ama qaxwo si hadalka u sii furmo. Dhaqanka uu bartay iyo meesha uu joogaa baa caado waxey u tahay in la qaxweeyo marka la qadeeyo layaabna malaha inuu yiraahdo sidaas.

“Maya waan dharagsanahay mahayo meelaan wax marsiiye ” ayey cod xishood ku jiro u tiri. Allow yaa caloosheeda soo baara oo eegga waxa ku jira. Iney been sheegeyso ayaa la ogaan lahaaye.

Intuu koob Cuppacino (kobashiin) ah, codsaday ayuu yiri “Xallaal caleek maanta waad igu xumeyneysaa waxkasta laakin dhib malaha Amran baad igu noqotaye cid kale hadey ahaan laheyd waan ka cad goosan lahaa maalin kale”........... Intey qososhay ayey tiri hadaadba ku fekereyso cad goosasho nin nacas ah baa tahay.

Dhoola cadeyskeeduu u boggay qalbigiisi bey wax yeeleysay, inuu iska fiirsado intey hadleyso buu dan ka dhigtay. Iyadana markey aragtay inuu ku muqan yahay bey kas hadalkii ukala goysay oo ku tiri “maxaad ka fekereysaa?” Maya abaayo fekerimeynee waxaan la qashuucsnaa qosolkaaga quruxda badan, ayey noqotay jawaabtii ugu horeysay ee afkiisa kasoo baxda. Waxaanu markan isku dayayaa inuu noqoda geesi haasaawaha kala roggi kara.

Hadalkii markuu bilaabay ee ay afkiisa kasoo baxday ”Abaayo” ayuu hadana amuusay. Ma yaqaano sababtuu u aamusay, balse waxaa uu awoodi waayey inuu sii daba dhigo hadal kale oo la dhageysan karro.

Wuxuu sheego mayaqaano tallaa ku ciirtay, indhuhuu mirig mirig ka siiyey.

Intaasoo jees jeesad ah iyo hadal ku margasho ahaba Amran wey arkeysaa dan iyo heellose kama laha. Illaahow meeshan iga bixi weji xumadeeda ma arki karee bey iskula guuxeysaa. Niyaduna kuma qanacsana iney sii fadhiso, meeley ogtahay bey ka jeclaan laheyd iney waqtiga ku dhameysato.Mase noqon, nin warjiro moog ahna sheeko iyo haasaawo ayuu karabaa (Labo kala barisay kala war la’a!).

”Amraneey waxaa jira markaan dhabta kaala hadlo arrin aan weligeey qarsnayey islamarkaasina aan jeclaa inaan kuu sheegto. Maxaad ka qabtaa hadaan kuu soo bandhigo waxa uurkeyga kujira!?” Ayuu yiri Cabbaas oo markan u muuqday mid awood qasab ah xoog ku keenay isagoo si welbahaar ugu tagaan yahay.

”Waxba kama qabo waxaad doonto waa ii sheegan kartaa” Ayey Amran ku jawaabtay iyadoon qabow iyo kuleyl midna ku qaban.

Wadnihii baa ku sigtay inuu shaqada joojiyo, ileyn waa tanoo Amran baa tiri wax wale iyo waxaad tabaneyso waad ii sheegan kartaa. Geesinimadii lugu sheegi lahaa baa la iska rabaa!

- Amraneey waa laga yaabaa iney tahay sheeko aan sidaasi agtaada xiiso uga yeelan karrin. Balse aniga aad bey iigu weyn tahay. Abaayo kasokow walaaltanimada dhexdeena iyo ehelnimada naga dhaxeysaa intaba waxaan ahay nin si gaar ah adiga kaaga helay.

- Xaqiiqdii aad baad ii soo jiidatay, waxaan jeclaan lahaa ineynu sheeko wadaag noqono kadibna aan isla meel dhigno armo guur ee maxaad ka qabtaa?”

Inkastoo Amran sheekadan ay xog-ogaal u aheyd hadana aad bey ula yaabtay sida uu ninka u hadlayo. ”Waad isoo jiidatay kulahaa edeb daradiisa ma anigaa iri isoo fiiri” ayey hoosta ka tiri iyadoo dhoola cadeyn been ah muujiseyna.

- Horta walaalkiis aad baad ugu mahadsan tahay martiqaadkaagii qiimaha lahaa. Mana ilaawayo, hase ahaate hadaan kaaga jawaabo codsigaaga aniga walaalkeey baa tahay weligeyna waan kuu aqoonsanaa inaad tahay walaal aaney jirin wax la siisto mana u heysto inaad tahay gayaankey. Sidaas daraadeed anigoon sharaxaad kale ku siin karrin ayaan kuu sheegayaa in sheekada aad wado aan ka door bidayo in walaaltanimada halkeedii ahaato. Waayo walaaltanimo wax ka qurux badan ma arko.

- Abaayo walaaltanimada intaad meel iska dhigto ma sabab kale oo aad igu diido baa jirto miyaanan aheyn nin gayaankaa ah oo ku damci kara?

- Haa! Waad i damci kartaa oo guur baanu kala mudanahay, hase ahaatee aniga Amran ahaan waqtigan xaadirka ah waxaan xiriir jaceyl naga dhaxeeyaa wiil aan muddo wada soconay. Marka wey igu adagtahay inaan ka baxo balantii aan qaaday. Dhabta hadaan kaaga hadlona waan jecelahay wiilka ruux kale umaba hayo niyad………….!!

Bombkii aysan weligeed jecleyn iney qarxiso bey dhulka ku dhifay .Markaasuu bug yiri! Illaahow wadno xanuun badanaa ! Inuu meesha sii fadhiyo ma uusan jecleysan markey Amran u sheegtay iney jeceshay wiil ay xirriir la leedahay. Rajadii uu ka qabay iney Amran ahaato ooridiisa ay sidaasi ku soo afjarantay.


Lasoco cadadka dambe insha Allaah…….!

Ikraam Cali-kaar
Gothenburg, Sweden
ikraam@journalist.com

By. Ikram Ali Kar