Sheeko Gaaban
 

 

Qeybta 1 aad
Qeybta 2 aad
Qeybta 3 aad

Qeybta 4aad

Qeybta 5aad

Qeybta 6aad

Qeybta 7aad

Qeybta 8aad

Qeybta 9aad

Qeybta 10 aad

Qeybta 11 aad

Qeybta 12 aad

Qeybta 13 aad


SomaliRoots
Wareysigii Ikram

Qeybtii 9aad

 Miyaan dooqa keligeey laheyn?

Tallaa ku ciirtay wuxuu is mooday in wiish sammada dhex kula go’aywarkii naxdina laha ee Amran kaasoo ku noqday warran labo afle ah uusan filananeyn oo wadnaha looga dhigtaftay. Cambaar buu aamusnaa, iyada uun bee eegayey indhaheeda. In door ah markuu meesha aamusnaa, buu cod meel fog laga maqlayo ku yiri. “Kaama fileyn warkaasi naxdinta leh” Amranse iyadoo is moogeysineysa iney hadalkaasi dhagaheeda maqleen ayey tiri “Kumaan maqale maxaad i tiri?”.

“Abaayo waxaan ku iri kaaman fileyn inaad sidaas i dhihi doontid oo aad igu gacan sareyso. Waxaan lahaa walaashaa wey kuu garaabi doontaa. Kuna fahmi doonta. Hase ahaatee waxaad ii muujisay inaad dooneysso inaan kaa fogaado, anah waxaan lahaa dadka intiisa kale iskaga soo dhawaada oo cadowga iska dugaashada!.

- I dhageyso Cabbaas, walaaltanimada iyo damaca kala saar!. Aniga waan kuu hayaa walaaltanimada aad ii heyso mid lamid ah, lagamana yaabo iney taasi meesha ka baxdo. Balse waxaad ogaataa in sheekada aad wadato aanan diyaar u aheyn. Taasina ceeb maahan hadaan ku iri qof baan xirriir la leeyahay, waajibkaaga waa inaad aqbashaa. Ma garatay hadalkeyga?

Kalmadii afkeeda kasoo baxdaa waxey ku noqtaa dhimbil dab ah, gabadhii uu kuhamiyey baa ninkale dooneysa iney nolol wadaagto haddii calafku isku simmo. Wuxuu moodaa in Amran ay u hogaansami karto caadooyinka ay leeyihiin ka reer ahaan ee gabdha la isa siiyo. Maanta Amran yeelimeyso in Axmed yare ay nin kale ku doorsato. Jaceylka ay u heyso ayaa waxkasta kala qarro weyn.

- Abaayo aniga waxaan ahay nin ku caashaqsan kaana helay ilaa xad. Walaaleey ninkan aad leedahay xirriir baa naga dhaxeeya, koley sidaan dareemayo ma ahan mid kula joogo waqtigan xaadirka ah, waxaan ula jeeda hadalka aan dalka daganeyn. Hadaad anigana isiiso fursad kawaran oo aan ku kasbado kalsoonidada.?

- Kaalay walaal waxaan kuu moodayey inaad tahay nin wax garad ah, caqligaaga kaasho. Waxkasta hadey dhacaan labadeena xirriir nama dhexmari karro. Cid kalana yeelkeed. “Yacnii qof baa sheekoooooo naga dhaxeysa!” Hadalkaasna ha ku deeqo.

- Fiiiri aboowe, fadlan waa goor dambe xaafadii inaan aado ayaan rabay waad ogtahay islaanta hooyadey ahee. Ma sii baxi karnaa?

- Haa abaayo! Laakin kasoo feker hadalkeyga Amraneey, iskuna day inaad i barato weli aqoon iima lihid, waxaa dhici karta in ninkaas aan kaaga fiicnaado.......! Wuu yaaban yahay, wuxuu isleeyahay talow ma adigey kaa ordeysaa. Hadalka kediska ah ee marqura soo tuftay ayuu dhibsaday.

- Horta fekerka ha ii dambeeye xaafada i gee, waa taqaan islaantii hooyadey aheydee.
Waqti dhacay iyo cabsi waalid mid heysa malaha waxey dhibsatay ilaa xad hadalkiisa oo aan ka daa dageyn. Haddey xitaa isku dayi laheyd iney si kale wax u fahansiiso, waa garmaaqte mowjado aan loo dirsana midba mar galaya. Sababtaasi ayey Amran go’aanka deg dega ah u qaatay.

Islamarkiiba iyadoo talaabada bowsiineysa iskana dhigeysa naag deg degsan ayey timid halkii gaariga yiilay isagana waa kasoo daba carraray markiiba e wuxuu isku dayey inuu celiyo oo hadalkii qabyada ahaa halkaasa kasii waddo.

“Abaayo raali noqo hadaad hadalkeyga dhibsatay aniga wanaag leen raadinayey, intaasna jaceyl aan adiga kuu qabo ayaa iga keenay”. “Waxba kama qabo ee bal na keen waxey doonto ha ahaate” ayey hadalka u sii raacay.

Markiiba gaariga ayaa la koray waxaana jihada afka loo saaray hoygii Amran daganeyn. Qiyaastii qadar 10 daqiiqo ah kadib gurigeedii baa la keenay, gabadhii kiiska iska waaleysay.

Illaahey ammarkiis islaantii Amran dhashay baa iyadoo taleefan ku hadleysa qolkii fadhiga ahaa maqashay guuxa gaariga, waxey is tiri malaha waa kii wiilasheeda u weynaa oo goor sii horeysay alaab ay u diratay bal eeg ileyn war jecli bey u dhalataye, hadeyba daaqada ka daaha ka ka fiirisay mise waaba gabadheedii Amran oo inan la taagan banaanka. Islaantu waxey is tiri maanta labo u kala jar hadey soo gasho guriga, waxey si aad ah u diidaneyd ninkasta oo la hadla gabdha.

Hadeyba si wanaagsan u eegtay waa Cabbaaskii ay habaryarta u aheyd ee gabadheedii u rabtay. Niyadey ka faraxday iyadoo hoosta kaleh “Maasha Allah, yaa maanta tii ka dhaafay waa tan ina habreedkeed la hadleyse!” ayey hoosta iskula hadashay. Islaantu waa warjirro ma hoog. Amran bey rabtaa nineysan rabin iney ku darto. Yaase kayeelaha hee, iyada lee is daalineysa maahe Amran warkeeda waa cadyahee.

-Walaal Cabbaas waad mahadsan tahay cuntadaadii macaaneyd iyo martiqaadkaagi quruxda badnaa., waanse kaa raali gareyn hadaan ku soo de dejiyey, waayo waxaan isleeyahay armey hooyo ku daahsataa, islaantu xoogaa waa iska kulushahay.

- Maya abaayo waan ku dareemayaa, adigaana mudan sidaad martiqaadka iiga aqbashay. Laakin ogow inaan weli kaa rajo dhigin ee fadlan arrintan kasoo feker ina sii jaanis!.......


Lasoco cadadka dambe insha Allaah…….!

Ikraam Cali-kaar
Gothenburg, Sweden
ikraam@journalist.com

By. Ikram Ali Kar