Somaliroots

ILA-QOSOL

ILA-QOSOL

ILA-QOSOL

Nin ayaa wuxuu arkay koox dhallinyaro ah oo raashin meel ku wadaagaya (isla cunaya). Intuu ku soo leexday ayuu dhankiisa ka galay. Nimankii kale way is fiir-fiiriyeen iyagoo la yaaban ninkaan aysan aqoon oo cuntada iska soo galay bilaa fasax. Waxay ku yiraahdeen "Saaxiib ma qof baad naga garanaysaa?". "Maya" ayuu yiri "laakiin tan ayaan is naqaan" intuu cuntadii la cunayey farta ku fiiqay!!!

Ardey iskuuleey ah ayaa waxa ay lahaayeen imtixaan ah maaddada "Arts" ama sawirka, markaa ayaa macallikii inta uu sawirey geed ay saaran yihiin shinbiro ayuu ardadii ku yiri hala sawiro dhaqsada ...Macalinku aradada wuxuu siiyey " 5 daqiiqo" markii ay shantii dhamaatey ayuu yiri haye haye inta gacmaha isku garaacey oo sacabiyey .. Wuxuu macallikii bilaabey in uu aruuriyo warqadaha markaa ayuu arkay waraaqdii ardaygii ugu danbeeyay oo aan geedkeeda shinbiro ku sawirnayn. markaas ayuuu yiri warayaa aaweye shinbirihii geedka saarnaa .. ardaygii ayaa macalinka ugu jawaabey “Dee macalin adigaa sacabiyay”.

"Siciid Seexiye"

Wiil ayaa timuhu aad ugu baxeen markaas ayuu aabihii ku qasbay in uu ka xiiro wiilkii oo aan ogolayn ayaa lagu qasbay in loogu xiiro sakiin aan aflahayn markaas ayuu wiilkii aad u qayliyay xanuun dartiis waxyar ka dib wiilkii ayaa maqlay eey aad u qaylinaaya markaas ayuu aabihiis waydiiyay in eeygana loogu xiiraayo sakiin duug ah........haaaa

Maalin maalmaha kamid ah ayaa waxaa dadka cad ee dagan magaalada xamar uyimid qabilada soomaali mid kamid ah kuna dhaheen waxaan idinsiiheeynaa hub si aad tuugada iskaaga celisaa waa aqbaleen cidii markii lagaaray habeenkii ayaa cidii xabado kor urideen subaxii ayaa waxaa loo keenay meed lawado waxaana lagu dhahay xalay ayaa idinka disheeen marka diyadiisa dhiiba cidii oo yaabay ayaa dhahday "anaga cidaan waaba kayaabnee cirka xataa ma joogaan"

"Abdikadir sheikh"


Marr ay jirtay hub aruurin dalka soomaali ayaa waxa nin oday uyimid niman askar ah waxeeyne duqii ku dhaheen " adeer meel maku ogtahay ay yaaliin qoryo " duqii ayaa dhahay "haa" Wuu soo Kaxeeyey oo keenay meel qorya caadi ah yaaliin waa kuwa dabka lagushito markaas ayey dhaheen "adeer kuwaan maahin ee waa kuwaan oo kale waxeyne utilmaameen kuwa aay wataan oo kale markaas ayuu odaygii ku dhahay waan ogahay, Askartii baa tiri aaway waxuuna ku dhahay waa kuwaa oo idinkaa wata

"Abdikadir sheikh"

Macallin ayaa arkay ardayda oo dhan in ay ku hawlan yihiin shaqadii looga diray computerka hal qof mooye oo isagu horfadhiya computerka oo aan waxba samaynin, macallinkii ayaa markaasi u soo dhowaaday oo ku yiri:miyaadan shaqaynaynin,ardaygii baa ku jawaabay:Passwordigii baan dhigay waxaan sugaya in uu ii oggolaado si aan u galo.
(ardaygu wuxuu illoobay in uu riixo Enter si uu u galo computerka)

Haweenay ayaa damacday in ay soo iibsato geedka plasticada ah oo la saaro mouseka computerka lagu socodsiiyo waxayna ninkii dukaanka gadayay ka codsatay oo ay weydiisatay mid Compatible ah ee la shaqayn kara nooca Macontosh.


Aabbe waxaan soo gaday mouse cusub isagoo u jeeday mouse_ka computerka,aabbihii ayaa markaasi yiri:maxaad sidaa u samaysay,waad og tahay bisadda guriga inoo joogta in aysan dhaafayn haddii ay aragto mouse_ka.

Haweenay computerkeeda ka xumaaday ayaa waxay telefoon u dirtay nin farsamo yaqaan ah,waxaana dhex martay hadalladan:

=Farsamo yaqaan:nidaamka uu ku shaqeeyo computerkaaga waa kee?
-Haweenay:maxaad tiri?

=Farsamo yaqaan:ma waxaad adeegsataa Macontosh mise Windows?

-Haweenay:garan maayo

=Farsamo yaqaan:midabka Monitorkaaga ii sheeg?

-Haweenay:muxuu yahay Monitor?

=Farsamo yaqaan:waxaa la yiraahdaa shaashadda u eg midka Televisionka oo kale.

-Haweenay:haa waan gartay midabkiisu waa huruud.

=Farsamo yaqan:waxaad ii sheegtaa waxa ku qoran CPU?

-Haweenay:muxuu yahay CPU?

=Farsamo yaqaan:maxaase ku qoran looxa furayaasha?

-Haweenay:muxuu yahay waxaasi?

=Farsamo yaqaan:sawir tufaax ah ma kaaga muuqdaa computerka?

-Haweenay:haa waan helay mahadsanid.

sanadihii wadan keena istic maarku xukumayay ayuu nin somali ah oo kategay gobolada waqooyi u dhoofay wadanka ingiriiska ninkii markuu kunoolaa mudo wadankaas ayuu guursaday naag ingiriis ah (cadaan ah) ninkii wuxuu uga sheekeeyay naagtii sii dhaqanka soomaalida iyo caadooyinkooda sida gudniinka fircooniga ah oo uu aad ugu amaanay. naagtii waxay aad uga heshay dhaqmadaas uu uga sheekeyay iyo caadada soomaalida waxayna go aan ku gaadhay in ay is gudo sida hablaha soomaalida. waxayna ka codsatay in uu gudo ninkeedu mudo haduu ka dhega adaygay markii danbe wuu guday aad bay ugu faraxday kabacdina waxay u tagtay hooyadeed una sheegtay in laguday uuna aad u fiicanyahay gudniinku, arinti waxaa aad ugu riyaaqay hooyadii oo iyana damacday in ay is gudo waxayna ka codsatay gabadheedii in ay uraacdo ninka si uu ugudo iyana ninki haduu mudo ka dhega adaygay ugu danbayn waa guday. habartii waxay u sheegtay qaraabadi iyo asxaabteedii dhamaan aad bay ugu riyaaqeen waxay na dooneen in ay is gudaan oo ninkii fayl u soogalaan ugu danbayn waxaa kawar helay ninkii maamulkii magaalada waana laqabtay oo la xidhay.

Adan Abdi (nawle).
wergef3@hotmail.com

Waxaa Diyaarad wada raacay nin falastiini ah iyo nin yahuudi ah, nasiib wanaagna waxaa lagu qoray laba kursi oo isku xiga, hase aheetee waxaa markiiba dhankii daaqada yar xigtey ku orday kii yahuudiga ahaa, falastiinigiina wuu u deystey markuu arkay inuu danaynayo inuu daaqadaasi ka daawado bilicda dhulka hoose, ama Buuraha ama daruuraha, Sidii ayaanu Yuhuudigii u xigsaday dhankii Daaqada. Markii ay diyaaradu mudo hawada kusii jirtey ayaa Yuhuudkii yidhi inuu Falastiinigu siiyo jidka yar ee u dhexeeya labada saf ee kuraasta diyaarada. Si uu usoo qaado cabitaan Juice ah. Falastiiniga Lugihiisa ayaa u fidsanaa.

Markiiba Falastiinigii ayaa yidhi iska fadhi Anigaa kuusoo qaadayee. Intii uu ku maqnaa Cabitaanka ayaa Yuhuudigii wuxuu arkay in Falastiinigu kabihiisa iska bixiyey. Ka dibna waxaa la haboonaatay inuu Xaako iyo wixii afkiisa ka imaan karayeyba, inuu kabaha uga sii buuxsho, Falastiinigii cabitaankii wuu u keenay, kiina wuu cabay. Markii ay Diyaaradu caga dhigatay ee ay rakaabkuna bilaabeen inay ka degtaan, ayuu Carabkii wuxuu arkay Kabihiisii oo wax ka dhex buuxaan, Ka dibna wuxuu si xanaaq leh u yidhi( Tolow colaadani goormay naga joogsanaysaa, a xabaduna na deynanysaa, hadeer adigu kabahaygii sidan baad u gashay, aniguna cabitaankaagii kaadi baan kuugu soo daray!!!!!!!!!!).

Nin ayaa gabadhii uu qabay ka dudey, ka dibna kii qabay iyo mid kalaa ka daba tegay, inantii oo gurigooda joogta ayey ugu tageen, marka odaygii baa is yidhi inantii waatii soo dudey ninkii qabayba waa kan daba socdee bal wareyso, marka wuxuu yidhi "waar hebel heblaayana halkan bay joogtaaye, maxaa dhacay?!!"kolka ninkiinna wuxuu ku jawaabay "Waar inantaadii bac kaleey la timi!!". Mid odayga la joogey baa yidhi "Waar inanku muxuu yidhi?!!", marka isna kii kalaa u jawaabo ku yidhi "Iska dhaaf waa Dhaka kalee!!". Odaygii markuu af garan waayey labadii inan buu iskaga tag isna yidhi naagtii wareysid, oo kuna yidhi "Naayaahe halkan ninkaagii iyo nin kaloo la socdaan ugu tegay oo af garan waayeye, maxaa jira?!!", markaasey tidhi "Oo ma iyagii baa khuuradaa la yimid?!!" kolka mid ay inanta is reer ahaayeen oo odayga la socday, ayaa wuxuu arkay inuu odaygii dhabaandhowsan yahay, oo wixiina waxba ka garan waayey, baa odaygii ku yidhi "Eeyaahee I af garan mayside OHO KA DHEH!!!!"


Labo nin, ayaa la socday dooni, waxay doonidii saarnaadaanba, waxaa dhexda ka heley nibiri{whale}aad u weyn, labada nin waxay kala ahaayeen Soomaali iyo Hindi, markiiba nibirigii wuxuu cunay kii Soomaaliga ahaa, markaasuu Hindigiina aad uga xumaaday, sababta uu nibirigu u cuni waayey?!!!. Hadaba Hindigii wuxuu murugo la ooyaba oo uu yidhaahdo maxaa la ii midab soocay oo la ii cuni waayey?!! mise waxaaba u jawaabay, nibirigii, oo kuna yidhi run ahaantii ma rabo inaan ku cuno, maxaa yeelay, sanad kii hore ayaan cunay nin Hindi ah, oo weli dabadaa i ololaysa!!!!!!!

Nin ayey Sodohdii aad u dhibtay, oo wuxuuna waayey meel uu ka galo, waxaanay ku noolaayeen magaalada Chicago (USA). Maalin maalmaha ka mid ah ayaa isagoo cadhaysan, ayey sodohdii afka la soo gashay. Ka dibna nin cadhaysan buu ahaaye, waxaabu ka tuuray dabaqii todobaad oo ay deganaayeen. Markii la soo taagay maxkamadii, oo laguna yidhi “Maxaad Sodohdaa fooqa todobaad uga tuurtey?” wuxuu ku jawaabay “waxaan jirin dabaq kale oo sideedaad!!!”..


Nin lahaa dukaan weyn ayaa isagoo jiifa gurigiisa, markay saacadu ahayd kowdii habeenimo waxaa la soo xidhiidhay haweenay, waxayna tidhi “Imisada ayaad dukaanka aroorta la furayaa?” wuxuuna ugu jawaabay tobanka aroornimo, hadana saacad ka dib ayey ku soo celisey oo isla su’aashii oo kale u ayey weydiisey, sidii hore ayuu ugu sheegay isagoo aadna ula yaaban.

Hadana mar sadexaad ayey la soo xidhiidhay, oo waxayna weydiisey isla su’aashii hore, markaasuu ku yidhi “Caawa waan kaa seexan kari waayey oo waad i wareeriseye maxaad uga baahnayd dukaanka?!”, waxayna ugu jawaabtey “Wax kale maahee, xalay markii la xidhayey dukaanka ayaan ugu dambeeyey, marka iyadoon la i ogeyn ayaa la igu xidhay, hadana dukaanka dhexdiisa ayaan kaala soo hadlayaa !!!!!!”

Waxaa ka dhacday magaalada Toronto ee dalka Kanada sanadkii hore hooyo somaliyeed oo dagan xaafad ay somaalidu u badan tahay oo layiraahdo DIXSON, maalin maalmaha ka mid ah, ayey damacday in ay iska nadiifiso guriga. Dabadeedna waxay ku carartay xafiiskii shaqaalaha ee qaabilsanaa nadiifinta guryaha, halkaa soo ay ka heshay nin shaqaale ah, oo una soo raacay guriga. Markuu uu soo galay gurigii, ayuu qacdiiba indhaha ku dhuftay baranbaro yaacaysa, kadibna wuxuu yiri jesus jesus!!!, markaas bay islaantii mooday inuu xabad kaliya u jeedo, oo ku tiri No many Jesus!!!


Ra'iisul Wasaarihii hore ee Jabbaan Yoshi Morri ayaa wuxuu qorsheynayey kulan uu la lahaa madaxweyihii hore ee Maraykanka Mr. Bill Clinton. Madaama uusan luqadda Ingiriiska ku fiicneyn Ra'isul Wasaaruhu ayaa waxay tarjumaanadiisa u sheegtay in uu hadalka ku bilaabo "How are you?" oo la macno ah "Sidee tahay?", Clintona uu ku jawaabi doona "I am Fine" oo ah "Waan fiicanahay", dabadeedna wuxuu raacin doonaa "And You?" oo ah "Adiguna?" kolkaas waxaad ku jawaabtaa "Me too" oo ah "Aniguna sidoo kale". Intaa wixii ka dambeeya howsha anagaa sii wadi doona ayey tarjumaanadiisii ku yiraahdeen Ra'isul wasaare Yoshi Morri.

Mar alla markii ay kulmeen Ra'isul Wasaarahii iyo Bill Clinton oo ay markaa la socotay xaaskiisa Hillary ayaa waxaa uu Ra'isul Wasaaruhu si khalad ah u yiri "Who are you?" oo macnaheedu uu yahay "Kumaa tahay" balse uu ula jeeday "How are you?", Clinton oo yaaban , dhinacyadana fiir fiirinaya xaaskiisuna ay garab taagan tahay ayaa isagoo kaftamaya ku jawaabay "I am Hillary's husband" oo ah "waxaan ahay odaygii Hillary (Xaaskiisa)" wuxuuse u raaciyey "And you?", Ra'isul Wasaaraha oo sugayey ereygaas dambe ayaa ku jawaabay "Me too" oo la micno ahayd "anigana sidoo kale", Clinton oo u fahmay in uu ra'isul wasaraha leeyahay "anigana waxaan ahay odagyii Hillary".

Waayadii ay Sucuudiga shaqooyinku ka furnaayeen, ayaa maalin maalmaha kamid ah waxaa gaadhi xaajiyad ah wada raacay labo nin oo shaqo tag ah, mid wuxuu ahaa reer waqooyi, kan kalena reer koonfur. Hadaba waxay gaadhigii saarnaadaanba mise markay meel dhaxe marayaan ayuu gaadhigii kula dhacay meel god(xurfad) ah, ka dibna waxaa naxay kii reer waqooyigii ahaa, wuxuunayidhi Yaarasuululaahi!!, markaa sheekh carab ah oo agtiisa fadhiyey baa intuu bahal dhirbaaxo ah ku jiiday, kuna yidhi ilaahaaga ma taqaanid miyaa?!!. Kadibna kii reer waqooyiga ahaa baa iska aamusay isagoo cadhaysan, wuxuu gaadhigii sii socdaba mar labaad hadana meel kale oo god ah buu kula dhacay, dabadeedna kii reer koonfur ahaa baa yidhi Shiikh Cabdulqaadiroow!! markaasaa kii reer waqooyiga ahaa oo cadhaysanaa baa intuu dhirbaaxsho ugu jawaabay, kuna yidhi war kii weynaa baa meel loo la' yahay markaasaad shiikh lasoo ordaysaa.!!!


Waxaa Soo Diyaariyey Ismaciil Aftaag

 

Fadlan Haddii aad heyso Sheekooyin Ila-Qosol ah

Kusoo dir Emailkan hoos ku xusan:

Alfaproduction@yahoo.com

 

 

Alfaproduction