Rayiga Dadweynaha
 

 

 

Sheekadii dooqa Miyaan kaligey laheyn

Qeybta 1 aad
Qeybta 2 aad
Qeybta 3 aad

Qeybta 4aad

Qeybta 5aad

Qeybta 6aad

Qeybta 7aad

Qeybta 8aad

Qeybta 9aad

Qeybta 10 aad


SomaliRoots
Wareysigii Ikram

January /30/2005

 

Maxay kula tahay ujeedada maamulka Puntland uga saari layahay ciidanka shisheeye Puntland?


Qore. Ainanshe Abdirahman

Sidaan la wada socono waxa dhowaan ka dhacday xarunta maamul goboleedka Puntland doorasho caadil loo wada arkay oo runtii soo jiidatay dhamaan indhaha shacabwaynaha aduunka, amaan badana looga soo jeediyay horumarka uu maamul goboleedkani ku talaabsaday. Puntland waxay umadda soomliyeed u muujisay, una horseeday dhaamaan umadda soomliyeed & kuwa africaanka ahba talaabo ku dayasho mudan sida doorashadani u dhacday, Waxa kaloo amaan aan la soo koobi karin mudan maamulkii hore ee madaxwayne maxamed Abdi Xaashi, ee sida sharafta leh xilkii ugu wareejiyay maamulka cusub taasoo uu ku mutaystay in lagu magacaabo (Aadan cadihii qarniga 21aad).

Hadaba hadaan hoos ugu soo dhaadhaco ujeedada qoraalkayga waa maxay sababta maamulka Puntland haduu ahaan lahaa kii dowladii hore ee Maxamed Abdi Xaashi & ka cusub ee General Cadde Musse ay uga gaabsanayaan inay ka saaraan ciidanka maamulka Soomlidiidka ee fadhigiisu yahay Hargaysa.

Dadwaynaha reer Sool@Sanaag@Cayn,Waxay ku doodayaan inagoon weligeen maamul lahayn maysan dhicin in ciidankan somalidiidka ihi soo gaadhaan ama uba soo dhowaadaan Magaalada Adhicadeeye oo caasimada Laascaanood u jirta in ka yar 30Km. akhristaha sharfta lehow sababaha la is tusi karo ee shicibkuna is waydiinayaan waxa ka mid ah

1- Ma amar ka sareeya maamulka Puntland oo ka imanaya dowlada federaraalka ee kenya fadhigeedu yahay ayaa jira?.

2- Ma amar culus ayaa ka imanaya xagaa iyo dowlada Ethopia oo diidan in ciidanka puntland ka saaraan dhulka ciidanka maleeshiyada somalidiidka ah.

3- Ma diyaar garowga ciidanka puntland ayaa wax ka dhimanyihiin oo weli aan 100% ahayn.

4- Ma maamulka sare ee Puntland ayaa wax ka si yihiin oon doonayan sababtay doonto ha noqotee inay dagaal la galaan maamulka Soomlidiidka ee Daahir Riyaale..

Hadaba aqristaha sharafta lehow si kastaba ujeedadu ha ahaatee waxa la soo xaqiijiyay in ciidamada maamul goboleedka soomaaliyeed ee puntland ay dhinac walba ka itaal & Saanad wacanyihiin kuwa maamulka somalidiidka ah ee Hargaysa kagna saari karaan dhulka waqti aad u yar, lase garan layahay sababta ciidanku u dhaqaaqi layahay. Waxa kale oo iyaduna xusid mudan dadkuna carabka ku dhufanayaan in madaxwaynaha cusub ee puntland uu xiriir dhow la leeyahay qaar ka mid ah cuqaasha reer waqooyiga ah ee cadawga ku ah, isla markaana hunguriga wayni ku hayo waxay iyagu ugu yeedhaan (Xadka somaliland).

Waxaan qoraalkayga ku soo koobayaa madaxwaynaha & maamulka cusub ee Puntland waxa looga fadhiyaa inay si degdega uga saaraan ciidankan shisheeye ee " Adhicadeeye" fadhiya dhulka ama warka cadeeyaan, sida dadka deegaankani uu isugu tashado.

"United we stand,divided we fall"

Ainanshe Abdirahman
Canada

Fiiro Gaar ah: Aragtida qoraalka waxaa leh qoraaga ku saxiixan, kana tarjumi maayo aragtida Somaliroots.com

By. Ainanshe Abdirahman